|
Velkomin á heimasíðu Samkórs Kópavogs
|
Ert þú söngfugl ?
Láttu drauminn rætast.
Samkór Kópavogs óskar eftir hressu söngfólki í allar raddir
Raddpróf í samráði við kórstjóra.
Framundan er spennandi vetur hjá kórnum
sem endarmeð utanlandsferð í júní 2024.
Æft er í Digraneskirkju á mánudagskvöldum kl. 19-21.30
Aldursbil er 20-60 ára
Sendu skilaboð og fáðu nánari upplýsingar, á netfangið: [email protected] eða í síma 840-3328 (formaður)
Hlökkum til að heyra frá þér.
|
| |
Samkóinn æfir alla mánrudaga frá kl. 19.00 – 21.30
Æfingar fara fram í Digraneskirkju.
Kórfélagar eru um sextíu talsins. Mikil gróska er í kórstarfinu og ávallt gaman á kóræfingum.
Góður andi ríkir í hópnum og mikill metnaður er lagður í söngstarfið
sem og allt félagsstarf í kórnum.
Ég á mér draum, vortónleikar Samkórs Kópavogs 2023 verða haldnir í Digraneskirkju fimmtudaginn 4. maí kl 20. Miðaverð 3500 kr. Miðar fást hjá kórfélögum og við innganginn.
Verið hjaranlega velkomin.
Jólatónleikar voru haldnir í Hjallakirkju fimmtudaginn 15. desember 2022 kl. 20:00
Stjórnandi Friðrik S. Kristinsson
Einsöngvari á tónleikunum var María Jónsdóttir. Á orgeli og píanó var Lenka Mátéová.
|
| |
|
|
| |
Samkór Kópavogs er rótgróinn blandaður kór skipaður síungu kórfólki á öllum aldri. Kórinn leggur áherslu á metnaðarfullan kórsöng og tekst á við skemmtilegar og krefjandi tónsmíðar úr ýmsum áttum. Kórinn er skipaður fólki úr Kópavogi sem og víðast hvar annars staðar af höfuðborgarsvæðinu. Kórinn heldur árlega tónleika og fer reglulega í söngferðir bæði innan og utanlands. Í kórnum ríkir jafnan mikil samheldni og góður félagsandi og er ávallt vel tekið á móti nýjum félögum.
Söngstjóri kórsins er Friðrik S. Kristinsson. Friðrik hefur mikla og farsæla reynslu af kórstjórn og hefur kórinn styrkts mikið undir hans stjórn.
Æfingar eru einu sinni í viku, á mánudagskvöldum kl. 19.00 – 21.30.
Æfingar eru í Digraneskirkju.
Samkór Kópavogs fagnaði 50 ára afmæli sínu á árinu 2016.
Þetta myndband hér undir var sett saman í tilefni afmælisins.
| |
|
Samkór Kópavogs 50 ára
Samkór Kópavogs fagnar 50 ára afmæli sínu á þessu ári en þann 18. október 1966 stofnuðu söngglaðir og framsýnir Kópavogsbúar kórinn. Á meðal stofnfélaganna var Jan Morávek sem stjórnandi kórnum uns hann féll skyndilega frá árið 1970. Jan Morávek var af tékkneskum ættum en alinn upp í Vínarborg. Hann var afar metnaðarfullur og hæfileikaríkur tónlistamaður og lagði sterkan grunn að því öfluga og góða söngstarfi sem ríkt hefur hjá kórnum æ síðan. Fyrsti formaður kórsins var Valur Fannar sem jafnframt var einn af stofnendum hans.
Í áranna rás hefur Samkórinn komið fram við hin ýmsu tækifæri, haldið árlega tónleika í Kópavogi og farið í fjölda söngferða bæði innan- og utanlands, m.a. heimsótt alla vinabæi Kópavogs á Norðurlöndunum.
Fyrirhugað er að halda veglega upp á 50 ára afmæli Samkórsins. Kórinn stefnir á að koma fram sem oftast og víðast á afmælisárinu. Auk þess að syngja fyrir Kópavogsbúa þá mun kórinn einnig halda í ferðalög á árinu. Í lok apríl er fyrirhuguð söngferð á Snæfellsnes og í lok júlí mun kórinn halda á Íslendingaslóðir í Kanada þar sem hann mun taka þátt í hinni árlegu Íslendingahátíð í Gimli og verður þar aðal kórinn á hátíðinni. Í október verða haldnir veglegir afmælistónleikar og stefnt er að jólatónleikum á aðventu.
Stjórnandi Samkórsins frá árinu 2013 er Friðrik S. Kristinsson og núverandi formaður er Birna Birgisdóttir. Í kórnum eru nú um áttatíu félagar og hafa þeir aldrei verið fleiri.
|
|
| |
|
|
|
|
Kóræfingar eru mánudögum kl.19.00 - 21.30 í Digraneskirkju.
|
Friðrik S. Kristinsson stjórnandi Samkórs Kópavogs.
